Coworking Correoslabs

Queres impulsar a túa startup?

Os máis de 300 anos de experiencia de Correos concienciáronnos sobre a importancia de adaptarse aos cambios. Inmersos na evolución social máis acelerada da historia, o noso equipo de emprendemento busca diferentes estratexias de colaboración dentro do ecosistema emprendedor. Buscamos oportunidades para mellorar continuamente os nosos servizos e, con eles, a sociedade.

Queremos traballar xuntos! Completa este formulario e cóntanos máis sobre o teu proxecto.

Queremos participar na creación e mellora dun tecido empresarial innovador e de calidade. En Correoslabs cremos que non hai mellor xeito de facelo que brindando o noso apoio aos equipos de emprendedores e as súas ideas atrevidas. Por iso, dende 2017 traballamos cóbado con cóbado con startups dispostas a crecer connosco. 

Como as apoiamos? Construímos vínculos duradeiros e efectivos, sinerxías reais onde creamos valor para a sociedade e impulsamos a transformación de Correos. Confiamos no proxecto das startups e traballamos xuntos para acadar o éxito que merecen. 

A nosa misión é axudar as startups a realizar un percorrido profesional que lles leve a ser líderes do seu sector. Pero, como o conseguimos? O certo é que temos varias liñas de acción coas que cumprimos a nosa misión día tras día:

• Traballamos en espazos de colaboración que favorecen o networking entre emprendedores. Un ecosistema único de cooperación entre as distintas startups que lles permite crear sinerxías e favorece a unión entre equipos. 
• Contamos con Hubs de innovación e emprendemento a disposición dos nosos membros. O uso das salas está aberto para todo o que precisen, dende reunións internas, sesións de ideación, conferencias ou congresos.
• Impulsamos eventos que dan vida a Correoslabs. Organizamos actividades formativas, de divulgación e de interese que sigan fomentando a aprendizaxe constante. Consulta os próximos eventos dispoñibles e apúntate.

A comunidade Correoslabs non para de crecer!

Fomentamos as sinerxías e a diversidade a través da formación de equipos con profesionais de distintos sectores. Grazas á colaboración de institucións e empresas acompañamos ás startups e os seus emprendedores. Os membros de Correoslabs sempre están invitados a sesións abertas onde se propicia a fusión de distintos perfís de traballo a través do impulso de boas prácticas de desenvolvemento. Non pechamos ningunha porta! Apostamos polo concepto de innovación aberta para crear un espazo colaborador e áxil, onde todos podemos desenvolver novas ideas coas que dar forma á nosa sociedade.

Aposta pola comunidade, aposta por Correoslabs. 

Correoslabs ten un ecosistema formado por varias institucións, figuras e empresas:

• Correos: poderás contactar con directivos e empregados de Correos. Para que? A súa visión e experiencia na empresa pública con máis percorrido e experiencia do país servirante de grande apoio e achegarate unha perspectiva única sobre a xestión do teu negocio. 
  
• Expertos: contamos cun grande equipo de expertos en diferentes áreas que poñen á túa disposición todo o seu coñecemento. Referentes nos seus ámbitos de traballo, axudarante a que a túa startup sexa líder no seu sector.  
• Sector Público: nunca foi máis doado contactar coas grandes empresas públicas! Abrímosche as portas do sector público e ofrecémosche crear sinerxías con empresas como RTVE, ENISA, AENA e moitas máis. 
• Sector Privado: en Correoslabs as empresas privadas son empresas amigas. Convidámoste a crear alianzas win-win coas máis de 30 empresas coas que traballamos. 
• Startups: non renuncies a coñecer outras startups! Sempre en busca de novas oportunidades e formas de impactar na sociedade. Dentro do ecosistema atópanse grandes emprendedores cos que se identificar, aprender e crear novos acordos de colaboración.